خصوصی کورکمانڈرز کانفرنس

آرمی چیف جنرل اشفاق پرویز کیانی کی زیر صدارت خصوصی کورکمانڈرز کانفرنس جاری ہے۔آئی ایس پی آر کے مطابق کو خصوصی کو ر کمانڈرز کانفرنس میں ملک کی سیکیورٹی صورتحال کاجائزہ لیاجائے گا،اجلاس میں تمام کورکمانڈرز اور پرنسپل اسٹاف آفیسرز کی شریک ہیں۔

برنس روڈ کے مختلف علاقوں میں سرچ آپریشن

کراچی کے مختلف علاقوں میں رینجرز،سی آئی ڈی اور پولیس کی جانب سے چھاپوں کا سلسلہ جاری ہے۔ اِس دوران متعدد افراد کو گرفتار کرکے اسلحہ برآمد کرلیا گیا۔ رات گئے برنس روڈ کے مختلف علاقوں میں انٹیلی جنس کی بنیاد پر پولیس کی جانب سے سرچ آپریشن کیا گیا ،آپریشن کے دوران جوس سینٹر پر موجود ایک اہم ملزم کو بھی گرفتار کیا گیا ہے،جس کے بارے میں پویس کا دعویٰ ہے کہ اس نے دکانداروں سے بھتہ وصول کیا ہے اور وہ خود بھی اسی مارکیٹ کا دکاندار ہے،پولیس کی جانب سے سرچ آپریشن برنس روڈ گلی نمبر 6،سبزی والی گلی،ڈی جی سائنس کالج والی گلی کے رہائشی فلیٹس اور خالی گوداموں میں کیا گیا،اس دوران 4 مشتبہ افراد کو بھی حراست میں لیا گیاہے۔