پنجاب کنونشن کے بعد انقلاب مقدر بن چکا ہے۔ الطاف حسین

پنجاب کنونشن کے بعد انقلاب مقدر بن چکا ہے۔ الطاف حسین

روٹی کپڑا اور مکان کا نعرہ لگانے والوں نے 62سالوں میں عوام کو کچھھ نہیں دیا،ایم کیو ایم اقتدار میں آکرجاگیر داروں کی زمینیں غریب عوام میں تقسیم کردےگی اوران کی جاگیریں بیچ کر ملک کا قرضہ ادا کیا جائے گا، عوام کو عہد کرنا ہوگا کہ وہ چوروں ، لیٹروں کا ساتھہ نہیں دینگے ، الطاف حسین کسی کا نہیں ،ملک کی دولت لوٹنے والوں کا دشمن ہے۔ پنجاب کے تین شہروں لاہور، ملتان اور راولپنڈی میں عظیم الشان عوامی اجتماعات سے بیک وقت خطاب کرتے ہو ئےایم کیو ایم کے قائدالطاف حسین نے کہا کہ اہالیان پنجاب بھی نظم و ضبط برقرار رکھیںآ ج صوبہ پنجاب میں ایم کیو ایم آگئی ہے،آج کے جلسے میں لوگ پاکستان بچانے کے لیے شریک ہیں۔ان کا کہناتھا کہ ملک میں دوہرا معیار تعلیم رائج ہے۔غریب بچوں کے پیلے اسکولوں میں بچوں کے بیٹھنے کیلئے کرسیاں بھی نہیں۔عوام62سالوں سے ظلم کی چکی میں پستے چلے آرہے ہیں ۔ بڑے بڑے قرضے لینے والوں کو ووٹ دینا ہمارا قصور ہے۔ پنجاب کے لوگ بار بار آزمائے ہو ئے لٹیروں کو ووٹ کیوں دے رہے ہو؟ اب عوام کو عہد کرنا ہوگاکہ چور،لٹیروں کا ساتھہ نہیں دیں گے۔ انہوں نے کہا کہ بڑے بڑے محلات کو اسکول اور اسپتال بنادیا جائے گا۔الطاف حسین کا کہناتھا کہ پنجاب کنونشن کے بعد انقلاب مقدر بن چکا ہے،قسمت بدلنے کیلئے فرشتے نہیں آئیں گے،خود بدلنا ہو گی۔ایم کیو ایم کو پنجاب میں داخل ہونے سے روکا گیا لیکن آج ایم کیو ایم پنجاب میں آگئی ہے ، لیکن کیا پنجاب کے عوام قربانیاں دینے کے لیے تیار ہیں؟الطاف حسین نے کہا کہ اقلیتوں کے حقوق کیلئے جدو جہد کرتے رہیں گے اورپنجاب کے سرائیکی خطے اورجنوبی پنجاب کامسئلہ حل کرینگے،نئے صوبوں کی تشکیل سے ملک کمزور نہیں مضبوط ہو گا،الطاف حسین کسی کا نہیں ،ملک کی دولت لوٹنے والوں کا دشمن ہے، ہم علامہ اقبال کی صحیح فکر کو لے کر چل رہے ہیں۔انہوں نے کہا کہ ایم کیوایم کشمیریوں کا مسئلہ حل کرے گی ، مسئلہ کشمیراسوقت حل ہوگاجب کشمیری مذاکرات میں شامل ہونگے۔

پنجاب کنونشن کی تیاریاں عروج پر

■ لاھور۔ متحدہ قومی موومنٹ کے زیراہتمام پنجاب کے تین شہروں میں کل بروزاتوار ہونے والے تاریخی کنونشن کے لئے لاھورمیں بھی تیاریاں جاری ہیں ،شہرمیں جگہ جگہ ایم کیوایم کے جھنڈے اوراستقبالی بینر لگادئیے گئے ہیں ۔لاھور کے الحمراہال ون میں ہونے والے پنجاب ورکرز کنونشن کے سلسلے میں تیاریاں جاری ہیں ۔ کنونشن کاآغاز تین بجے سہ پہر ہوگا اورقائد تحریک الطاف حسین لاھور،راولپنڈی اورملتان میں ہونے والے کنونشن سے خطاب کریں گے۔ اس مقصد کے لئے ہال میں اسکرینیں بھی نصب کی گئی ہیں جبکہ استقبالی بینروں کے علاوہ قائد تحریک الطاف حسین کی تصاویربھی ہال میں آویزاں کی جارہی ہیں۔ کل ہونے والے ورکرز کنونشن کے سلسلے میں آج متحدہ قومی موومنٹ کے رہنما لاھور کے مختلف علاقوں میں کارنرمیٹنگزسے خطاب کررہے ہیں۔ ایم کیو ایم کے ڈپٹی کنوینر فاروق ستار،سابق ناظم کراچی مصطفی کمال اورصوبائی وزیرفیصل سبزواری سمیت متعددارکان رابطہ کمیٹی ان کارنرزمیٹنگ سے خطاب کررہے ھیں۔ مقامی ہوٹل میں شام کوایک استقبالیہ بھی دیاجائے گا۔ کنونشنز کے حوالے سے لاہور اور ملتان میں بھی بہت بڑی ریلیاں نکالی گئیںجن میں عوام اورخصوصا نوجوانوں نے شرکت کی-

شہباز شریف کی دھمکی کام کر گئی۔ کراچی کیلئے بجلی کا کوٹہ نصف کردیاگیا

انرجی کانفرنس میں کئے گئے فیصلے کے مطابق کراچی کیلئے پیپکو سے منظورشدہ کوٹے میں تین سو میگا واٹ کی تخفیف کردی گئی ہے- چند روز پہلے وزیراعلی پنجاب نے انرجی کرائسس پر سخت بیان دیتےھوئے کراچی کو پیپکو سے ملنے والے بجلی کے کوٹے پر بھی سخت تنقید کی تھی اورسخت اقدامات کی دھمکی دی تھی۔ شھباز شریف کی بلیک میلنگ کے آگے ہتھیار ڈالتے ھوئے انرجی کانفرنس میں یہ کراچی دشمن فیصلہ کیا گیا ھے جس پر کراچی کے شھریوں نے سخت ردعمل کا اظھار کیا ھے۔  

انقلاب راتوں رات نہیں آیاکرتا،اس کیلئے برسوں جدوجہدکرنا پڑتی ہے۔ الطاف حسین

لندن: متحدہ قومی موومنٹ کے قائد الطاف حسین نے کہاہے کہ کسی بھی خطے میں انقلاب راتوں رات یااچانک نہیں آیاکرتابلکہ اس کیلئے برسوں جدوجہدکرنا پڑتی ہے ۔ جوانقلاب راتوں رات آیاکرتے ہیں وہ راتوں رات چلے بھی جایاکرتے ہیں۔ انہوں نے یہ بات آج پنجاب کے کئی صحافیوں اوردانشوروں سے ٹیلیفون پر ہونے والی بات چیت کے دوسرے دورمیں کیا۔ الطاف حسین نے کہاکہ ایم کیوایم ملک کی واحدجماعت ہے جوواقعتاً موروثی اورخاندانی سیاسی کلچر کے خلا ف ہے ۔ایم کیوایم الطاف حسین کے خاندان کی جماعت نہیں بلکہ عوام کی جماعت ہے جس کی جدوجہدمیں جانوں کی قربانیاں دینے والوں میں الطاف حسین کے خاندان کے افرادشامل ہیں لیکن اسمبلیوں میں پہنچنے والوں میں الطاف حسین یااسکے خاندان کے افرادشامل نہیں ہیں۔ انہوں نے عوام میں شعوری بیداری کے سلسلے میں پنجاب کے صحافیوں اور دانشوروں کی خدمات کو سراہا اورکہاکہ ملک میں انصاف کے نظام کیلئے ملک بھر کے اہل قلم حضرات کوبھی عوامی انقلاب کیلئے اپنااپناکردار ادا کرناہوگا۔

الطاف حسین کبھی بھی الیکشن نہیں لڑیں گے

لاہور: رابطہ کمیٹی کے رکن و سابق سٹی ناظم کراچی مصطفی کمال نے کہا ہے کہ الطاف حسین وہ واحد پاکستانی سیاسی لیڈر ہیں جنہوں نے تہیہ کیا ہوا ہے کہ وہ کبھی بھی الیکشن نہیں لڑیں گے بلکہ عوام کی رہنمائی اور قیادت کرتے ہوئے ان کے مسائل حل کرائیں گے اور ملک کو مضبوط، مستحکم اور ترقی یافتہ بنائیں گے۔ الطاف حسین نے متحدہ قومی موومنٹ بنا کر عوام کی طاقت اور حمایت کے ذریعے مجھہ جیسے غریب کارکنوں کو گورنر، وزیر، مشیر، ایم این ایز، ایم پی ایز اور ناظمین بنایا اور اس سیاسی کلچر کے خاتمے کا راستہ بتایا جو سیاسی پارٹیوں نے بنا رکھا ہے۔

پورٹ گرینڈ فوڈاسٹریٹ دوماہ میں عوام کیلئے کھول دی جائیگی- بابر غوری

وفاقی وزیر برائے پورٹس اینڈ شپنگ بابر خان غوری نے کہا ہے کہ نیٹی جیٹی برج سے متصل جنوبی ایشیا کی سب سے بڑی فوڈ اسٹریٹ ” پورٹ گرینڈ“ 2 ماہ کے اندر عوام کیلئے کھول دی جائے گی۔ اتوار کو کراچی میں گورنر سندھ ڈاکٹر عشرت العباد خان اور صوبائی وزیر بلدیات آغا سراج درانی کو مذکورہ فوڈ اسٹریٹ کا دورہ کرانے کے بعد ذرائع ابلاغ سے گفتگو میں بابرغوری نے بتایا کہ ایک ارب روپے کی پرائیویٹ سرمایہ کاری سے یہ منصوبہ کراچی پورٹ ٹرسٹ ( کے پی ٹی ) کی 13ایکڑ زمین پر تعمیر کیا جارہا ہے۔ اس موقع پر گورنر سندھ ڈاکٹر عشرت العباد نے کہا کہ یہ منصوبہ کراچی کے عوام کیلئے بہت بڑا تحفہ ہوگا اور فوڈ اسٹریٹ پاکستان میں بین الاقوامی معیار کی پہلی تفریح گاہ ثابت ہوگی۔ انہوں نے کام کے معیار اور رفتار پر اطمینان کا اظہار کیا۔ گورنر نے منصوبے کے ڈیزائن کی تعریف کرتے ہوئے کہا کہ اس کی مکمل تزئین و آرائش کے بعد پورٹ گرینڈ نہایت دیدہ زیب نظارہ پیش کرے گا۔ اس موقع پر گورنر نے منصوبے کی تعمیر کرنے والی فرم کے چیف ایگزیکٹو شاہد فیروز کی کوششوں کو بھی سراہا۔ وفاقی وزیر بابر غوری نے کہا کہ یہ جنوبی ایشیا کی سب سے بڑی فوڈ اسٹریٹ ثابت ہوگی اور اس منصوبے کا افتتاح 2 ماہ کے عرصے میں کر دیا جائے گا۔ صوبائی وزیر آغا سراج درانی نے کہا کہ اس منصوبے کی تعمیر خوش آئند بات ہے، اس سے عوام کو تفریح کے صحت مند مواقع حاصل ہوں گے۔ انہوں نے کہا کہ اس زمین کا بہت بہتر استعمال کیا گیا ہے جو اس سے پہلے قبضہ گروپوں اور منشیات فروشوں کے قبضے میں تھی۔